正如經常掛在口邊的一句話:所有事發生都有其因由。

正如經常掛在口邊的一句話:所有事發生都有其因由。

 

首先分享小弟在面書我一編近況:

2014年五月三日晚上。
在開往九龍方向的106巴士上，有三位剛上車的乘客。其中一位坐在小弟身傍並用普通話跟另外兩人交談！其間坐在小弟身邊的，拿著一個蘋果在吃！故事來了。小弟見狀，立即用普通話勸喻！當佢聽到我同佢講車上面唔可以食野時，佢嘅即時反應係對著我，大口大口的著蘋果，然後跟我講！「你話呢度唔食得，我就食給你看！」然後態度囂張，再跟我說「報警吧！拉我吧！」「x你老母」其同行也加入並繼續以唔鹹唔淡嘅廣東粗口鬧著！
當下我把電話拿出來，它們立發出恥笑聲！當然，我並不是因為如此⋯⋯小事而勞動我們的警察！因為呢啲事真係報警都冇用！所以我為的是要跟他們拍照！(圖一)到我地同佢影相嘅時候，可能佢地真係好驚佢哋嘅相係網上面出現！由之前嘅囂張跋扈變成凶神惡煞！期間坐我隔離嘅，仲搶我電話添！跟住我又繼續同佢地講，巴士嘅條例係冇一條唔俾係巴士上面影相，不過就有係巴士上面去唔可以食野嘅！跟住佢哋開始郁手郁腳，坐隔離嗰個仲想郁手打我！糾纏期間，有一名嬌滴滴嘅女士過來勸阻，其實佢地三個身型都幾魁梧。同呢位女士身型相比之下，就好似進擊之巨人入面三笠同十五米高巨人嘅分別一樣！不過佢嘅英勇程度都係同三笠一樣。最後亦都係由呢位女士幫我報警。最後警察來到，而呢三個粉皮就以歧視內地人為藉口，所以先會咁。其他車上面嘅花生友！都無人講過任何一句說話，全部落晒車！得番呢個見義勇為嬌滴滴嘅女仕，同埋我呢個滋事分子，佢話怕我被打才報警。哈哈！當然警察係唔可以拉佢，但就幫我哋趕咗佢落車。而巴士司機亦都好好人，送咗我同呢位女仕返到屋企附近嘅巴士站！期後我同呢位女士交談，原來她也是來港工作才兩年的內地人！對於佢嘅出手幫助，我非常感激。而其他冷眼旁觀嘅香港人，我真係唔知講咩好！最後我想講唔理你係內地人定香港人，請大家有啲公德！今日可能係車上食蘋果，聽日就會係車上面屙屎屙尿。最後受嘅就係你同我！你哋嘅沉默，就係對呢啲人最大嘅鼓勵!

 

話說前陣子去了澳洲,發現當地人排華的態度都幾明顯!

再了解一下,其實當地人對待華人就像香港人對待大陸人一樣~

原因也是同出一轍,中國人不文明這個標示已經達到世界性,

隨地吐痰,亂拋垃圾,囂張等等.........

到底佢地何時才能認識這個醜字?

人說發財立品,但文革後中國人的品行德育還有嗎~?

作為中國人,小弟深明中國強大對我們有莫大好處,但處處惹人討厭,又何必呢~

 

所以有很多人會說,其實食蘋果有什麼大不了,何必這樣~

 

我說,不好好教育一下他們,讓他們不會繼續囂張,

讓他們知道什麼是公德,那我還能說自己愛國愛港嗎?